Вакилони дифои Хайрулло Мирсаидов, хабарнигор ва раҳбари КВН-и Тоҷикистон аз Додгоҳи Олӣ дархост кардаанд, ки парвандаи ӯро бознигарӣ ва ӯро пурра сафед кунад.

Бахтиёр Насруллоев, вакили дифои Мирсаидов рӯзи 9 апрел ба Радиои Озодӣ гуфт, шикоятномаи худро ба Додгоҳи олӣ рӯзи 1 апрел ирсол кардааст.

Бахтиёр Насруллоев гуфт: “Мо дар маҷмӯъ навиштем, ки дар кирдори ӯ таркиби ҷиноятҳои "азонихудкунӣ ва исрофкории маблағҳои давлатӣ", "сохтакории ҳуҷҷатҳо" ва "пахши маълумоти бардурӯғ" тибқи моддаҳои 245, 346, 340-и Кодекси ҷиноӣ дида намешавад. Дар амалҳои ӯ таркиби ҷиноят вуҷуд надорад. Айбҳо бар зидди Мирсаидов сохтаву беасос буда, ҳукми додгоҳ ғайриқонунӣ содир шудааст. Бинобар ин, аз зинаи назоратии раёсати Додгоҳӣ Олӣ дархост намудем парвандаи Мирсаидовро бознигарӣ ва ӯ пурра пурра сафед кунанд”.

Насруллоев афзуд, тибқи пешбинии қонун Додгоҳи Олӣ дар тӯли 2 моҳ бояд ба аризаи онҳо посух бидиҳанд.

Мирсаидов моҳи декабри соли 2017 боздошт ва моҳи июли соли 2018 бо ҷурми "азонихудкунӣ ва исрофкории маблағҳои давлатӣ", "сохтакории ҳуҷҷатҳо" ва "пахши маълумоти бардурӯғ" ба 12 соли зиндон маҳкум шуд. Боздошти ӯ баъди он сурат гирифт, ки хабарнигори тоҷик дар шабакаҳои иҷтимоӣ раиси собиқи идораи ҷавонони вилояти Суғдро ба талаби "пора" муттаҳам кард.

Дар пайи талаби ҷомеаи шаҳрвандӣ ва созмону кишварҳои байналмилалӣ, Додгоҳи вилояти Суғд рӯзи 22-юми августи 2018 Мирсаидовро шартан аз зиндон озод кард, вале доғи судиро аз номи ӯ набардошт. Хайрулло Мирсаидов ба пардохти 78 ҳазор ҳазор сомонӣ ҷарима ва инчунин ду сол корҳои ислоҳӣ муваззаф шуд.

Ӯ охири соли гузаштаи 2018 барои табобат ба Гурҷистон рафт ва Додгоҳи шаҳри Хуҷанд Мирсаидовро ғоибона ба 8 моҳи зиндон маҳкум карда ва рӯзи 11-уми феврал таҳти ҷустуҷӯ қарор дод. Мақомот ӯро барои сарпечӣ аз корҳои ислоҳӣ ва тарки маҳалли зист айбдор карданд.

“Қонун пешбинӣ кардааст, ки вақте ки шахс агар қасдан аз адои ҷазо даст мекашад, додгоҳ ҳақ дорад ҷазои ӯро ба сангинтар иваз кунад. Вале вақте ки шахсро сабабҳои узрнок, масалан беморӣ ба ин водор мекунад, ҷазо иваз карда намешавад. Мирсаидов низ ба сабаби табобати бемориҳояш аз Тоҷикистон берун рафта буд, бинобар ин иваз шудани ҷазои ӯ аз ҷониби додгоҳ дуруст нест,” – мегӯяд вакили дифои ӯ Бахтиёр Насруллоев.

Баъди табобат Хайрулло Мирсаидов рӯзи 12-уми феврал дар суҳбат бо Радиои Озодӣ гуфт, феълан дар яке аз шаҳрҳои аврупоӣ қарор дорад.

Ӯ афзуд, ки ҳукми додгоҳи Хуҷанд яктарафа аст ва то замони пурра сафед шуданаш дар Аврупо хоҳад монд. Ӯ гуфт, агар ҳоло ба Тоҷикистон баргардад, ба ҳабс гирифта мешавад.

Таъқиби ҷиноии журналисти мунаққиди ҳукумат Хайрулло Мирсаидовро созмонҳои ҳомии ҳуқуқ маҳкум карда, намунаи аз саркӯби озодии баён ва садои интиқодӣ арзёбӣ карданд.

Дар ин бора рӯзи чоршанбе мақомот дар Қазоқистон хабар доданд. Дар ин сафар раҳбари Чин ҳам дар ҷаласаи муштарак бо ҳамкорони минтақавиаш ва ҳам дар вохӯриҳои дуҷониба бо президентони кишварҳои Осиёи Марказӣ иштирок мекунад. Дар ин мулоқот президентҳои Тоҷикистон, Қирғизистон, Қазоқистон, Туркманистон ва Узбекистон иштирок мекунанд. Ин дуюмин ҳамоиши президентони Осиёи Марказӣ ва Чин дар ду соли ахир мешавад. "Ройтерс" менависад, Чин бо Русия барои нуфуз дар ин минтақае бо 80 миллион аҳолӣ рақобат мекунад. Минтақаи Осиёи Марказӣ дар доираи тарҳи стратегии “Як камарбанд – як роҳ” бо Чин ҳамкориҳои густурдае дар бахши иқтисоду нақлиёту боркашонӣ ҳамкорӣ мекунад.

Мақомоти ҳарду кишвар рӯзи 11-уми июн тасдиқ карданд, ки Украина 27 ҷасади сарбози русро ба 1212 ҷасади сарбози украинаӣ иваз кардааст.

Табодули асирон ва ҷасади сарбозони кушташуда дар мулоқоти ҳайатҳои Русия ва Украина рӯзи 2-юми июн дар Истамбул ба даст омада буд.

Владимир Мединский, раҳбари ҳайати музокиракунанда аз ҷониби Русия ба расонаҳо гуфтааст, ки рӯзи 12-уми июн сарбозони сахт захмӣ аз ду ҷониб табдил хоҳанд шуд.

Русия беш аз се сол боз барои ишғоли Украина зидди ин кишвар ҷанг мекунад. Талошҳо барои сулҳ ҳанӯз натиҷае надодаанд ва Владимир Путин, президенти Русия низ пешниҳоди оташбаси муваққатро рад кардааст.

Рӯзи 11-уми июн дар қароргоҳи ЮНЕСКО намоишгоҳи ҳунарҳои рассомону наққошони тоҷик ифтитоҳ мешавад. Вазорати фарҳанги Тоҷикистон бо нашри хабару аксҳо дар шабакаи Фейсбук аз ҷараёни омодагиҳо ба ин чорабинӣ хабар додааст. Қарор аст дар доираи ҷашнвораи Ҳофиз барномаи ҳунарии “Шоми шашмақом” бо иштироки ансамбли давлатии “Шашмақом”-и ба номи Фазлиддин Шаҳобов ва дастаи рақсии “Гулрез” барпо шавад. Ҳунармандоне, мисли Ситораи Кароматулло, Шоҳрух Юнусов ва Фирдавс Ҳошимов бо оркестри мусиқии Парижи Шарқӣ ҳунарнамоӣ хоҳанд кард.

Ӯ дар навиштае аз рӯзи 11-уми июн дар саҳифааш дар шабакаи X гуфтааст, ки пушаймон аст ва дар бархе навиштаҳояш “аз ҳад гузарондааст”.

Ҷанҷоли лафзии Маск ва Трамп дар шабакаҳои иҷтимоӣ пас аз он оғоз шуд, ки миллиардер аз мақоми раҳбариаш дар идораи муассирияти кори ҳукумат (DOGE) истеъфо дод. Маск тарҳи қонун дар бораи буҷа, ки он тамдиди имтиёз ба андозсупорандагон ва афзоиши қарзи ИМА-ро пешбинӣ мекунад, сахт танқид кард. Трамп ин тарҳро “қонуни бузурги ҷаззоб” номида буд.

Рӯзи 5-уми июн Маск Трампро дар шабакаи X ва Трамп ӯро дар шабакаи Truth Social танқид карданд. Трамп дар навиштае гуфт, ки Маск девона шудааст ва маблағгузории давлатӣ ба бархе тарҳҳои ӯро қатъ мекунад. Маск пешниҳод кард, ки Трамп импичмент, яъне аз вазифаи президентӣ барканор шавад.

Илон Маск, яке аз пуштибонҳои аслии Доналд Трамп дар маъракаи интихоботи президентӣ буд.

Маълум нест, ки то куҷо узрхоҳии Илон Маск ҷанҷол миёни ду чеҳраи таъсиргузор дар Амрикоро камтар мекунад.

Украина ва Русия даври дуюми табодули асиронро анҷом додаанд. Дар ин бора Вазорати дифои Русия ва ҳам президенти Украина Владимир Зеленский хабар додаанд.

Ба гуфтаи Зеленскй, рӯзи 10-уми июн даҳҳо асири украинӣ баргардонда шуданд, ки сахт захмӣ мебошанд. Инҳо сарбозон ва афсарони артиш, Гвардияи миллӣ, Хадамоти сарҳадбонӣ ва Хадамоти махсуси нақлиёт мебошад. “Ҳамаи онҳо ба кумаки фаврии тиббӣ ниёз доранд,”-навиштааст Зеленский.

Раиси ҷумҳури Украина таъкид кардааст, ки табодули асирон бояд давом ёбад. Владимир Зеленский ваъда додааст, ки ҳама корро мекунанд то охирин асирро баргардонанд.

Дар ҳамин ҳол Вазорати дифои Русия хабар додааст, ки гуруҳи дуюми сарбозони рус баргардонда шудаанд. Аммо ду тараф нагуфтаанд, ки дар ин даври табодул чанд асиронро иваз кардаанд.

Рӯзи 9-уми июн Русия ва Украина асирони то 25-соларо иваз карда буданд. Аммо ду тараф шумораи онҳоро фош накарданд. Зеленский хабар додааст, ки иваз кардани асирон рӯзҳои оянда низ идома мекунад.

Мақомоти Тоҷикистон як ширкати эрониро барои чопи китоби "Шоҳнома" ҷалб кардаанд, аммо номи онро фош намекунанд.

Бар асоси амри раиси ҷумҳур, аз 25 май то 5-уми июн як ҳайате аз Тоҷикистон "ҷиҳати назорати иҷрои шартномаи дуҷониба бо ширкати эронӣ оид ба чопи китоби "Шоҳнома" ба Эрон рафтаанд. Аммо дар ин санад, ки Радиои Озодӣ 11-уми июн бо он шинос шуд, номи ширкати эронӣ ва ҳамчунин шароити созишнома зикр нашудааст.

Охири соли 2023 президент Эмомалӣ Раҳмон ваъда дода буд, ки китоби "Шоҳнома" нашр ва ба ҳамаи хонаводаҳои Тоҷикистон тақдим мешавад. Қарор аст шоҳасари Абулқосим Фирдавсӣ бо ҳазорон нусха аз ҳисоби буҷаи кишвар чоп шавад.

Иброҳим Аҳмад, сардори Раёсати табъу нашри Вазорати фарҳанг аввали моҳи июни имсол ба хабаргузории “Азия-Плюс” гуфтааст, чопи китоби "Шоҳнома" дар нашриёти "Шарқи Озод" шуруъ шуда, "то соли 2026 ба аҳолии Тоҷикистон тақдим мегардад".

Дар пайи сӯхтор дар наздикии бозори "Балх"-и Душанбе, се ҳавлӣ ба коми оташ рафтааст. Ҳодиса шаби 9-уми июн рух дода, навори он ба шабакаҳои иҷтимоӣ роҳ ёфт.

Вазорати корҳои дохилӣ дар шарҳи ҳодиса мегӯяд, сӯхтор аз манзили зане сар задааст, ки дар онҷо сехи коркарди ҷуворимакка истифода мешуд. Ба гуфтаи мақомот, алангаи оташ се ҳавлиро фаро гирифт ва оташро баъди як соат хомӯш карданд.

Дар хабарномаи Вазорати корҳои дохилӣ омадааст, ки се касро аз дохили сӯхтор наҷот додаанд. Аммо мақомот дар бораи хисороти ин ҳодиса шарҳе надодаанд.

"Шахси гунаҳгор, сабаб ва зарар аз сӯхтор муайян карда мешавад",-гуфтанд мақомот.

Ҳамасола дар пайи сӯхторҳо дар Тоҷикистон чандин кас қурбон ва миллионҳо сомонӣ ба иқтисод зарар мерасад.

Намунаи ахир марги 3 наврас дар шаҳри Ваҳдат аст, ки рӯзи 7-уми июн бар асари сӯхтор дар манзилашон ҷон бохтанд. Мақомот гуфтанд, ин сӯхтор дар пайи беназорат гузоштани шамъ сар задааст.

Кумитаи ҳолатҳои фавқулодаи Тоҷикистон мегӯяд, баъди шаш рӯзи ҷустуҷӯ, ҷасади як писарбаччаи 16-соларо аз об пайдо кардаанд.

Дар хабарномаи расмӣ омадааст, ин писари сокини ноҳияи Вахш, 3-юми июн дар канали Сталин, ғарқ шуд.

Мақомот гуфтанд, наҷотдиҳандагон бо қайиқ ва камераҳои зериобӣ ин писарро ҷустуҷӯ карданд.

“Рӯзи 9-уми июн, тахминан 500-550 метр поинтар аз ҷойи ҳодиса ҷасадро пайдо ва ба пайвандонаш супурданд",-гуфтанд дар Кумитаи ҳолатҳои фавқулода.

Ҳамасола бо фаро расидани гармиҳо, ғарқшавии наврасону ҷавонон дар Тоҷикистон зиёд сабт мешавад.

Кумитаи ҳолатҳои фавқулодда борҳо аз волидайн хостааст, фарзандони худро беназорат нагузоранд.

Пойгоҳи "Важные истории" дар таҳқиқоте навиштааст, баъзе коршарикони паёмрасони Телеграм ҳамзамон барои маҷмааҳои хадамоти махсуси Русия хизмат мерасонанд ва ин вазъ амнияти маълумоти корбаронро ба хатар мегузорад. Теъдоди истифодабарандагони Телеграм ахиран аз 1 миллиард гузашт.

Ба гузориши "Важные истории", ширкати Global Network Management (GNM)-ро, ки масъули хизматрасонӣ ба паёмрасони Телеграм аст, Владимир Веденеев роҳбарӣ мекунад.

Пойгоҳ менависад, Веднеев пештар ба ширкатҳои русии "Глобалнет" и "Электронтелеком" робита дошт, ки дархостҳои хадамоти махсуси Русияро иҷро мекарданд. Худи Веденеев аз шарҳи масъала худдорӣ кардааст. Бунёдгузори Телеграм Павел Дуров низ ба таҳқиқот вокуниш накардааст.

"Яке аз сабабҳои асосие, ки миллионҳо нафар сирри худро ба Телеграм бовар мекунанд, тасвири бунёдгузори он Павел Дуров аст, ки барои махфияти маълумоти корбарон мубориза мебарад ва барои ҳамин аз сӯи мақомоти Русия таъқиб мешавад. Аммо воқеият то ҳадде дигар аст,"-менависад Пойгоҳи "Важные истории".

Нашрия бо истинод ба коршиносон навиштааст, протоколи Телеграм ба хадамоти махсуси Русия имкон медиҳад, дастгоҳҳоеро шиносоӣ кунанд, ки бо он корбарон вориди паёмрасон мешаванд.

Павел Дуров аз соли 2014 дар хориҷ аз Русия ба сар мебарад, аммо ба навиштаи "Важные истории" баъди он низ борҳо ба Русия рафтааст. Дуровро моҳи августи соли 2024 дар Фаронса боздошт ва баъдан бо гарав озод карданд.

Павел Дуров ба тақаллуб, ҷиноятҳои сайберӣ (кибернетикӣ), озори лафзӣ дар фазои маҷозӣ, ҷинояткории муташаккилона, пулшӯӣ, ворид кардани як дастгоҳи рамзнигорӣ ва тарғиби терроризму саркашӣ аз пешниҳоди маълумоту санадҳо ба ниҳодҳои ваколатдор муттаҳам мешавад.

Як зодаи Тоҷикистон ба додгоҳи ноҳияи Смолнинскии Петербурги Русия ариза додааст, ки ҷинси ӯро дар сандаҳояш аз мард ба зан табдил диҳанд.

Додгоҳ рӯзи 9-уми июн дар саҳифааш дар Телеграм хабар дод, ки ин мард бо номи Амал ҳанӯз соли 2022 аз ташхиси равоншиносӣ гузашта, барояш хулоса додаанд, ки ӯ ҷисман мард, вале рӯҳан зан аст. Насаби ин шахс нашр намешавад.

Ба гуфтаи додгоҳ, моҳи феврали соли 2023 Амал ба ЗАГС ё Дафтари сабти асноди ҳолатҳои шаҳрвандии Русия муроҷиат кардааст, то ҷинсашро дар санадҳояш тағйир диҳанд. Ӯ аз додгоҳ хостааст, то бар асоси ташхисҳое, ки дар даст дорад, ҷинсашро мушаххас карда, ба идораи Сабти асноди ҳолати шаҳрвандӣ амр диҳанд, ки ӯро ҳамчун зан эътироф кунад.

Додгоҳ танҳо аз ин мард Амал ном бурдааст ва ҳеч мушаххасоти дигаре аз ӯ надодааст.

Даря Лебедева, сухангӯи додгоҳи ноҳияи Смолнинскии гуфтааст, ки ин мард аз соли 2022 талош дорад, ки худро ҳамчун зан сабти ном кунад. Ӯ бар асоси санадҳо мӯътақид будааст, ки ҷисман мард, вале рӯҳан зан аст.

Созмонҳои ҳомии ҳуқуқи инсон мегӯянд, дар Русия ва Тоҷикистон бо афроде, ки талоши табдили ҷинсашонро доранд ваё худро узви ҷомеаи ҳамҷинсгароҳо медонанд, бархурди хашин доранд ва аз ин хотир, ҳаёти онҳо бо хатар ва таҳдидҳо рӯбарӯ аст.

Дар шаҳри Гратси Австрия дар паи тирандозӣ дар мактаби синфҳои болоӣ чандин кас кушта ва захмӣ шудаанд. Рейтарс ва Ассошиэйтед пресс рӯзи 10 июн бо такя ба матбуоти маҳаллӣ хабар доданд, ки ҳамлагаре бо силоҳи оташфишон дар мактаби маҳаллӣ тирандозӣ кад.

Полиси маҳаллӣ гуфт, ки дар ин ҳодиса чандин кас кушта ва захмӣ шудааст, вале феълан омори дақиқе нашр накардааст. Матбуоти маҳаллӣ дар бораи кушта шудан то 9 нафар хабар додааст.

Дар миёни маҷрӯҳшудаҳо шогирдон ва омӯзгорони мактаб ҳастанд. Полис гуфтааст, ки дар кӯчае, ки мактаб ҷойгир аст, амалиёт идома дорад. Ходимони полис дохили мактабро холӣ мекунанд.

Маълум нест, ки оё ҳамлагар ҳам дар байни кушташудаҳо ҳастанд ё на. Нашрияи Kronen Zeitung гузориш дод, ки ҷасади ҳамлагари эҳтимолӣ дар дохили утоқи дастшӯии мактаб пайдо шуд, вале Рейтерс мегӯяд, феълан тасдиқи дурустии ин хабар имкон надорад.

Маълум нест, ҳамлагар кӣ асту чаро даст ба чунин кор задааст.

Гратс дуюмин шаҳси калонтарини Австрия мебошад.

Як мақоми Тоҷикистон гуфт, баъди ворид кардани тағйиру иловаҳо ба қонунҳои муҳоҷирати Русия, кор дар бозори ин кишвар бисёр муҳоҷиронро дилсард мекунад. Шариф Норзода, муовини вазири меҳнату муҳоҷирати Тоҷикистон рӯзи 10 июн дар як сӯҳбаташ бо хабаргузории русии ТАСС гуфт, “аз як сӯ, ҷараёни ба танзим даровардани қонунҳои Русия барои қонунӣ кардани муҳоҷирон ва таҳти ҳимоят гирифтани ҳуқуқи онҳо мусоидат мекунад, вале айни замон, талаботро сахттар карда бори молию маъмурии онҳоро сангинтар мекунад.

Ин чиз ҷаззобияти Русияро дар чашми муҳоҷирони корӣ аз Тоҷикистон, бахусус мутахассисони сатҳи поини касбӣ коҳиш медиҳад”, гуфт Норзода. Ӯ афзуд, ки агар роҳҳои сабуки гирифани патенту иҷозаи кор роҳро барои кору будубоши қонунӣ ва ҳам дастрасӣ ба ёрии тиббӣ осон гардонад, қарорҳои ахир паёмадҳои манфӣ ҳам дошта метавонанд.

Ба гуфтаи ӯ, “ташдиди қоидаҳо хароҷоти муҳоҷиратро боло мебарад: имтиҳони ҳатмии забони русӣ, таърих ва асосҳои қонунгузорӣ, таҳияи бими тиббӣ ва пардохти патент ҷараёни вуруд ва ба кор қабул шудани муҳоҷиронро бисёр гарон мекунад”.

Вазорати меҳнат гуфтааст, ки дар ним соли 2024 наздик ба 400 ҳазор муҳоҷир аз Тоҷикистон ба Русия рафтааст, ки нисбат ба ҳамин давраи соли 2023 - 15 дар сад камтар будааст.

Тибқи оморҳои гуногун дар Русия ҳудуди як миллион муҳоҷири тоҷик кору зиндагӣ мекунанд. Мақомоти тоҷик гуфтанд, ки танҳо соли 2024 беш аз сӣ ҳазор муҳоҷирон аз Русия ихроҷ шудаанд.

Рӯзи душанбе ба шаҳри Лос-Анҷелеси Амрико, ки дар он зидди ҳабси оммавии муҳоҷирони ғайриқонунӣ намоишҳои эътирозӣ ҷараён доранд, 700 узви нирӯҳои дарёиро барои ҳимояти идораҳои ҳукуматӣ ва кормандони федеролӣ сафарбар карданд.

Эътирозҳо рӯзи ҷумъа, 6 июн дар як ноҳияи Лос-Анҷелес шурӯъ шуданд, ин ҷо муҳоҷирони хориҷӣ қисми асосии аҳолии онро ташкил медиҳанд. Радио Свобода бо такя ба намояндагони расмии Кохи Сафед рӯзи 10 июн навишт, ки қарори ворид кардани нирӯҳо ба дуюмин шаҳри калонтарини ИМА дар пасманзари таҳдид ба кормандони федеролӣ ва идораҳои ҳукуматӣ қабул шудааст.

Президентони ИМА дар ҳолатҳои хеле кам барои ба тартиб даровардани вазъ дар дохили кишвар аз нирӯ истифода мекунанд. Бори охир соли 1992 дар ҷараёни бетартибиҳои оммавӣ да Лос-Анҷелес, ки боис ба марги даҳҳо нафар шуд, бо амри президент Ҷорҷ Буши калонӣ нирӯҳои дарёиро ворид карда буданд.

Он замон волии Калифорния ба кӯмаки федеролӣ дархост фиристода буд. Ҳоло волии Калифорния Гевин Нюсом ва шаҳрдори Лос-Анҷелес Карен Басс мегӯянд, ҳеҷ зарурате барои ворид кардани нирӯҳои миллӣ набуд ва полиси маҳаллӣ тавони таъмини тартиботро дошт ва чунин кори мақомоти марказӣ боиси хашми бештар дар шаҳр мешавад.

Рӯзи душанбе мақомоти Калифорния ба додгоҳ муроҷиат карда амалҳои президенти ИМА-ро дар бораи ирсоли нирӯҳо ғайриқонунӣ номиданд. Дар ҷавоб шоми душанбе Пентагон эълон кард, ки ба Лос-Анҷелес боз 2 ҳазор сарбози иловагии горди миллиро сафабар мекунад. Низомиён ҳоло бо таъмини амнияти идораҳои давлатӣ машғул буда, бо эътирозгарон мустақиман тамос намегиранд.

Волии Калифорния аз президент Доналд Трамп хост, ки истиқрори нирӯҳоро бекор кунад, чун, ба гуфтаи ӯ, ин амр ғайриқонунӣ аст. Трамп гуфт, ки “бидуни горди миллӣ, Лос-Анҷелесро нобуд мекарданд”.

Як таҳқиқи тиббии донишмандони амрикоӣ маълум кардааст, ки истеъмоли пайвастаи нахӯди зард ва лӯбиёи сиёҳ барои ҷиддан кам кардани холестероли бад ва илтиҳоб дар бадани инсон кӯмак мекардааст.

Натиҷаҳои ин таҳқиқот ахиран дар ҳамоиши солонаи Ҷамъияти амрикоӣ оид ба таҳқиқи ғизо (American Society for Nutrition) дар Орландо муаррифӣ шудааст, ки ҳафтаи гузашта барпо шуд.

Донишмандон давоми 12 ҳафта ба бемороне, ки саломатиашонро дар ҳолати наздик ба диабети қанд ташхис кардаанд, нахӯду лӯбиёи сиёҳ додаанд. Дар натиҷа, маълум шудааст, ки “дар муқоиса бо истеъмоли биринҷи сафед, хӯрдани лӯбиёи сиёҳ сатҳи илтиҳоби бадан ва нахӯди зард – холестероли бадро дар хун ҷиддан кам мекардааст”.

Муҳаққиқон гуфтаанд, ки азбаски истеъмоли ин ду маҳсулот барои ҳама дастрас, арзон ва фоидаовар аст, омӯзиши бештари ин мавзӯъро пураҳамият мекунад. Таҳқиқи донишмандони амрикоӣ давоми 6 то 12 ҳафта бо иштироки 72 ихтиёрӣ анҷом шудааст.

Шуруъ аз 9-уми июн фармони президент Доналд Трамп дар бораи манъи вуруди шаҳрвандони 12 кишвар ба Амрико ба иҷро даромад. Бар асоси ин фармон, шаҳрвандони Афғонистон, Эрон, Мянмар, Чад, Конго, Гвинея, Еритерия, Ҳаитӣ, Либия, Сомали, Судон ва Яман наметавонанд ба Амрико сафар кунанд.

Илова бар ин, маҳдудиятҳои бештаре низ барои мусофирон аз кишварҳои Бурунди, Куба, Лаос, Серра-Леоне, Того, Туркманистон ва Венесуэла ҷорӣ шудааст.

Ба гуфтаи мақомоти Амрико, раводиде, ки ба шаҳрвандони ин кишварҳо пештар дода шуда буд, эътибори худро нигоҳ медоранд ва дорандагони онҳо метавонанд ба ИМА ворид шаванд. Аммо дархости нави шаҳрвандони ин кишвар аз ин ба баъд ба истиснои ҳолатҳои муайян рад мешудааст.

Ба гузориши расонаҳои амрикоӣ, рӯзи 9-уми июн дар фурудгоҳҳои калонтарини Амрико тағйироти ҷиддие ба назар намерасид.

Доналд Трамп моҳи январ ба мақомоти кишвараш дастур дода буд, то дар бораи "нигоҳи душманона" нисбат ба Амрико, як гузориш таҳия шавад.

Дар ин фармон хоста шуда буд, ки баррасӣ шавад, оё вуруд аз бархе кишварҳо таҳдиде барои амнияти миллӣ ба шумор меравад ё не.