Дар шаҳри Остонаи Қазоқистон қарор аст рӯзи 16-уми июн мулоқоти раҳбарони кишварҳои Осиёи Марказӣ ва президенти Чин Си Ҷинпин барпо шавад.
Дар ин бора рӯзи чоршанбе мақомот дар Қазоқистон хабар доданд. Дар ин сафар раҳбари Чин ҳам дар ҷаласаи муштарак бо ҳамкорони минтақавиаш ва ҳам дар вохӯриҳои дуҷониба бо президентони кишварҳои Осиёи Марказӣ иштирок мекунад. Дар ин мулоқот президентҳои Тоҷикистон, Қирғизистон, Қазоқистон, Туркманистон ва Узбекистон иштирок мекунанд. Ин дуюмин ҳамоиши президентони Осиёи Марказӣ ва Чин дар ду соли ахир мешавад. "Ройтерс" менависад, Чин бо Русия барои нуфуз дар ин минтақае бо 80 миллион аҳолӣ рақобат мекунад. Минтақаи Осиёи Марказӣ дар доираи тарҳи стратегии “Як камарбанд – як роҳ” бо Чин ҳамкориҳои густурдае дар бахши иқтисоду нақлиёту боркашонӣ ҳамкорӣ мекунад.